You are currently viewing ДРЖАВАТА НАСУШНА ПОДАЈ НИ ЈА НАМ ДЕНЕС

ПИШУВА МАРТИН БУРОВСКИ. ЧЛЕН НА ПОЛИТИЧКА ПАРТИЈА РОДИНА МАКЕДОНИЈА

Уште во 2018 година кога за втор пат ја напуштив државата поради школување, отецот ме благослови и рече: „Ја напушташ Македонија кога е во едно големо искушение”. Но, тогаш бев помлад и секако колективната свест како уметник не ми дозволуваше да ја заборавам Татковината. По моето враќање дома и до ден денешен искушенијата сѐ повеќе и повеќе вријат и зовираат на нашето тло и нашата Татковина како да го губи тлото под нозе.

Навидум личи дека нашата земја има премногу народ, па не водиме грижа еден за друг и затоа млади, а и постари животи згаснуваат сѐ повеќе и повеќе. Мојата порака е дека животот не е борба! Животот е љубов и смирение пред Бога. Така никој нема да биде лишен од ниту една есхатолошка преспектива на постоењето.

Секако дека со животот и здравјето не смееме ниту да помислиме да си поиграме, а не пак да сториме нешто такво без разлика на нашата професија, функција или општествен чин. Но, за жал, сето тоа се случува низ годините во нашата убава, но окупирана држава Македонија и ќе се случува сѐ додека секој, почнувајќи од најголемиот чиновник и функционер, па сѐ до најобичниот човек не го свитка грбот пред Бога!

Секоја општествена неодговорност и човечко безумие скапо се плаќа. За жал, овој радикален бран на (не)снабдување со лекови во Македонија оваа година ме опфати и мене. Лекот Литиум е сериозен лек, всушност тоа е хемиска супстанца од хемискиот елемент Li и терапијата со него не смее да се прекине. Лекот во Македонија го нема веќе три месеци, а го примаат луѓе од најразлични потреби.

Јас овој пат ќе бидам конкретен и директен: Зарем едно 25 годишно момче треба да ви пишува текст со тоа што ќе каже дека некои созреваат порано, некои подоцна, а некои никогаш?! Оние кои никогаш не созреале ги молам да ги напуштат општествените и административните позиции бидејќи таа ваша неодговорност и несвесност, па можам веќе да кажам и нечовечност некој скапо ја плаќа!

Мисла за крај: Трагедијата не бира богати или сиромашни, талентирани или интелегентни. Кога ќе се случи, не ќе знаете каде е север, каде е југ, каде е истокот и каде е западот.

Ви благодарам на разбирањето со надеж за што можно побрзо подобрување на општествениот систем и меѓучовечките релации.

Придружете се на телеграм каналот на Родина Македонија https://t.me/rodina_makedonija

Бидете дел од Родина Македонија, дел од новиот #постзападен, #мултиполарен свет!